اسلام آباد۔ 18 ستمبر (اے پی پی) قائم مقام صدر سید یوسف رضا گیلانی آکھیے جو پاکستان مالدیپ نال اپݨے نیڑے تعلقات کوں قدر دی نگاہ نال ݙیکھدے جیہڑے خیر سگالی جذبات، اعتماد تے اسلامی بھرپی تے مبنی ہن۔ ایوانِ صدر دے پریس ونگ توں جاری بیان موجب اے ڳالھ انہاں اتھاں ایوانِ صدر وچ مالدیپ دی ع??ام?? مجلس دے اسپیکر عبدالرحیم عبداللہ دی قیادت وچ آئے ہوئے وفد نال ملاقات اچ ڳالھ مُہاڑ کریندے آکھی۔ وفد وچ محمد شاہد، حسنی مبارک، یوسف نشید تے عبداللہ شازیم شامل ہن۔ قائم مقام صدر آکھیے جو پاکستان تے مالدیپ سانجھے اعتماد تے مشترکہ اقدار تے مبنی تعلقات رکھیندن۔ انہاں 2024ء وچ اقوام متحدہ دی جنرل اسمبلی دے موقع تے وزیراعظم محمد شہباز شریف تے مالدیپ دے صدر ڈاکٹر محمد معیزو وچال تھیوݨ آلی ملاقات تے ایں توں پہلے قیادت دی سطح دے رابطیں دا ذکر کریندے آکھیے جو اے تبادلے ݙو طرفہ تعلقات دی گرمجوشی تے گہرائی دی عکاسی کریندن۔ سید یوسف رضا گیلانی تجارت، سیاحت، تعلیم، صحت، نوجواناں دی ترقی، موسمیاتی تعاون تے دفاع سودھے مختلف شعبیں وچ تعلقات کوں وسعت ݙیوݨ دی ضرورت تے زور ݙیندے آکھیے جو ݙوہیں دیساں وچال 2024ء تے 2025ء وچ 8.87 ملین ڈالر رہی۔ قائم مقام صدر ایں ڳالھ تے زور ݙتا جو براہ راست فضائی تے سمندری رابطے تعلقات دی مکمل صلاحیت کوں کھولݨ وچ مدد کرسڳدن۔ انہاں مالدیپ دی ٹیکسٹائل، چاول، سیمٹ، گوشت، پھل، سبزیاں تے ادویہ سازی دی منگ کوں پورا کرݨ دی پاکستان دی صلاحیت دا ذکر کیتا تے دفاعی تعاون کوں مضبوط بݨاوݨ وچ پاکستان دی دلچسپی دا اعادہ کیتا۔ قائم مقام صدر مالے وچ پارلیمنٹ دی عمارت سودھے مالدیپ وچ ترقی کیتے پاکستان دے ترقیاتی اقدامات تے فلاحی خدمات تے فخر دا اظہار کیتا جیہڑا دوستی دی لازوال علامت اے۔ انہاں آکھیے جو پاکستان مالدیپ دی ترقی خاص طور تے میڈیسن، انجینئرنگ، فارمیسی تے دندان سازی وچ طلباء کیتے وظائف دے ذریعے مالدیپ دی ترقی دی حمایت جاری رکھیسے۔ قائم مقام صدر سیاحتی تعاون کوں ودھارا ݙیوݨ تے ایں اہم شعبے وچ ہک ݙوجھے دی مہارت توں سکھݨ دی اہمیت کوں وی اجاگر کیتا۔ سید یوسف رضا گیلانی جنوبی ایشیا وچ امن تے تعاون کوں ودھارا ݙیوݨ تے سارک کوں علاقائی ترقی دے ??لی?? فارم دے طور تے بحال کرݨ کیتے پاکستان دے عزم دا اعادہ کریندے ایں امید دا اظہار کیتا جو مالدیپ ایں سلسلے وچ فعال کردار ادا کریسی۔ اپریل 2025ء توں جموں تے کشمیر وچ تھیوݨ آلی پیش رفت دا ذکر کریندے انہاں نے ایں ڳالھ دا اعادہ کیتا جو اقوام متحدہ دی سلامتی کونسل دی قرارداداں تے کشمیری عوام دی خواہشات موجب ایں جھیڑے دا ہک پرامن حل خطے وچ دیرپا امن کیتے ضروری اے۔ انہاں عبدالرحیم عبداللہ کوں نومبر 2025ء وچ اسلام آباد وچ تھیوݨ آلی بین الپارلیمانی اسپیکرز کانفرنس وچ شرکت دی وی دعوت ݙتی۔ ایں موقع تے عبدالرحیم عبداللہ آکھیے جو مالدیپ پاکستان کوں خطے وچ قریبی شراکت دار دے طور تے ݙیکھدے۔ انہاں آکھیے جو ایں طرحاں دی مسلسل اعلیٰ سطحی مصروفیات ݙوہیں مل??اں وچال دوستی تے تعاون دے بندھن کوں مزید تکڑا کریسی۔ انہاں آکھیے جو مالدیپ پاکستان دے تعاون کوں ٻہوں قدر دی نگاہ نال ݙیکھدے ، خاص طور تے تعلیم، صحت تے تجارت دے نال نال مالدیپ دے طلباء کوں ݙتے ونڄݨ آلے وظیفے تے اہم شعبیں وچ خدمات انجام ݙیوݨ آلے پاکستانی پیشہ ور لوکاں دے تعاون کیتے شکر گزار اے۔ وفد قائم مقام صدر سید یوسف رضا گیلانی کوں اے ڳالھ ݙسائی جو مالدیپ ہک مسلم قوم دے طور تے فلسطین دے عوام بالخصوص غزہ دے لوکاں نال یکجہتی نال کھڑے۔ ایں موقع تے سینیٹرز شیری رحمان، منظور احمد کاکڑ تے شہادت اعوان موجود ہن۔
پاکستان تے مالدیپ وچال مختلف شعبیں وچ تعلقات کوں وسعت ݙیوݨ دی ضرورت اے، قائم مقام صدر سید یوسف رضا گیلانی
اسلام آباد۔ 18 ستمبر (اے پی پی) قائم مقام صدر سید یوسف رضا گیلانی آکھیے جو پاکستان مالدیپ نال اپݨے نیڑے تعلقات کوں قدر...
مضمون کا ماخذ : ہرکیولس اور پیگاسس
